Plantun de Prouvènço

Pèr coumpara dos planto d'encò nostre

Plantago lagopus & Gagea apulica

Pèd-de-lèbre

Plantago lagopus

Plantaginaceae

Autre noum : Auriho-de-lèbre.

Noms en français : Pied-de-lièvre, Plantain pied de lièvre.

Descripcioun :
Lou pèd-de-lèbre es uno planto de l'an que trachis dins li pelouso seco e li relarg roucaious. Li fueio blanquinouso soun tóuti basalo, e sort dóu pèd de poulìdis espigueto peludo e argentado (bratèio e sepalo) de 1,5 à 3 cm, que i'an douna soun noum.

Usanço :
Tóuti li fueio de plantage soun bono à manja, lou tout èi que siegon pas trop duro. En Sicilo fan bouli li fueio de pèd-de-lèbre e li servon emé d'òli d'óulivo e de sau (F. Couplan, op.cit. p. 352). Avèn pas d'entresigne segur, mai se poudrié qu'aguèsse li mémi prouprieta medicalo bèn couneigudo de soun cousin, l'erbo-di-cinq costo.

Port : Erbo
Taio : 5 à 30 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 5 à 15 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Roucaio - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago lagopus L., 1753

Estello-jauno(-di-Pouhio)

Gagea apulica

Liliaceae Liliaceae

Nom en français : Gagée des Pouilles.

Descripcioun :
L'estello-jauno-di-Pouhio, ancianamen noumado de-Mauritanìo, trachis dins li tepiero raso roucaiouso sus sablo e argielo pas liuen de la mar. Es uno pichoto estello-jauno que flouris pas gaire e que se recounèis à sa flour que sèmblo coume sourtido de terro que li ramificacioun ié soun dedins. Li fueio de la cambo soun óupousado pèr dos e un pau claro. Es uno planto aparado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 8 cm
Fueio : Costo paralèlo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 15 à 19 mm
Flourido : Printèms

Sòu : Ca
Autour basso e auto : 0 à 10 m
Aparado : Vo
Mars

Liò : Tepiero roucaiouso - Sablo argielouso
Estànci : Mesoumediterran
Couroulougi : Prouvençalo-Italiano
Ref. sc. : Gagea apulica Peruzzi & J.M.Tison, 2012 (= Gagea mauritanica sensu auct. Gall. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago lagopus & Gagea apulica

ges

Coumpara Pèd-de-lèbre emé uno autro planto

Coumpara Estello-jauno(-di-Pouhio) emé uno autro planto